Hotnews7 - Demo

ខេត្តបន្ទាយមានជ័យ៖ ថ្ងៃទី៣០ ខែកញ្ញា ឆ្នាំ២០១៣ ស្ត្រីម្នាក់កំពុងឈរលែមុខផ្ទះ គេជិះកង់មកប៊ិះបុក ស្រែកជេ គេមួយម៉ាត់គេដេញកាប់ រត់ជាង២គីឡូម៉ែត្រ តាំងពីភូមិផ្សារកណ្តាល ដល់ភូមិគីឡូម៉ែត្រ៤ សង្កាត់ផ្សារកណ្តាល ក្រុងប៉ោយប៉េត ខេត្តបន្ទាយមានជ័យ ទើបមានគេជួយសង្គ្រោះ ជីវិតទាន់ពេល កាលពីវេលាម៉ោង៨និង៣០នាទី ថ្ងៃទី២៩ ខែកញ្ញា ឆ្នាំ២០១៣ ។

លោក ហម ម៉ុត មេបញ្ជាការ អ.ហ ក្រុងប៉ោយប៉ែត បានឲ្យដឹងនៅថ្ងៃទី៣០ ខែកញ្ញា ឆ្នាំ ២០១៣នេះថា ជន សង្ស័យ មានឈ្មោះ ឡាយ លាភ ភេទប្រុស អាយុ២២ឆ្នាំ រស់នៅក្នុងភូមិ/សង្កាត់ ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។ រីឯជនរងគ្រោះមានឈ្មោះ គង់ ណាត ភេទស្រី អាយុ២០ឆ្នាំ រស់នៅក្នុងភូមិខាងលើ ជាមួយជនរងគ្រោះ។

សមត្ថកិច្ចដដែលបានបន្តថា មុនឃាត់ខ្លួននៅវេលាម៉ោងកើតហេតុ ជនសង្ស័យបានជិះកង់ តាមផ្លូវ រួចបានវេចង្កូត ជិតបុកស្រ្តីឈ្មោះ គង់ ណាត ភ្លាមនោះក៏មានទំនាស់ ពាក្យសម្តីគ្នាទៅវិញទៅមក ស្ត្រីនោះបានជេបុរស ខាងជន សង្ស័យ រួចជនសង្ស័យខឹង ក៏រត់ទៅយកកាំបិត សាម៉ូរ៉ៃប្រវែង១ម៉ែត្រ មកដេញកាប់ ស្រ្តីរងគ្រោះចាប់ពីមុខ វត្តផ្សារ កណ្តាល តែស្ត្រីរងគ្រោះដឹងខ្លួន បានរត់ឲ្យគេជួយ រហូតដល់ខាងលិច សាលាក្រុង ទើបជួយកម្លាំង អ.ហ  ដែលកំពុងល្បាតក៏ចុះជួយ ទើបឈានដល់ ការឃាត់ខ្លួនជនសង្ស័យ យកមកសួរនាំ និងកសាងសំណុំរឿង បញ្ជូន ទៅតុលាការ ចាត់ការតាមច្បាប់ ៕

ខេត្តកំពង់ចាម៖ ជនប្រដាប់អាវុធម្នាក់ បានជួលម៉ៅរថយន្តអ្នក រត់តាក់ស៊ីម្នាក់ ជិះពីរាជធានីភ្នំពេញ ក្នុងទិសដៅទៅកាន់ខេត្តសៀមរាប លុះមកដល់ត្រង់ចំណុចភូមិកើតថ្មីក្នុងភូមិស្រែប្រាំង ឃុំតាប្រុក ស្រុកចំការលើ ជនប្រដាប់អាវុធនោះ បានដកកំាភ្លើងខ្លី ១ដើម បាញ់ប្លន់ម្ចាស់រថយន្ត បណ្តាលឲ្យត្រូវចំ.ពោះ និងដៃខាងស្តំា របួសធ្ងន់ រួចជនសង្ស័យបើករថយន្តគេចខ្លួនបាត់ ។

ហេតុការណ៏នេះ បានកើតឡើងកាលពីម៉ោង ៨និង២០នាទីយប់ថ្ងៃទី៣០ កញ្ញា ២០១៣ នៅចំណុចកើតហេតុខាងលើ ។ ជនរងគ្រោះត្រូវបានគេស្គាល់ឈ្មោះ ថៃ មានទីលំនៅក្នុងភូមិក្បាលហុងថ្មី ឃុំល្វាលើ ស្រុកចំការលើ ខេត្តកំពង់ចាម រីឯរថយន្តដែលចោរប្លន់យកទៅនោះ ម៉ាកកាមរីបាឡែន ព៌ណទឹកមាស ពាក់ស្លាកលេខភ្នំពេញ 2W 0410 ត្រូវជនល្មើសរូបនោះ ជិះឆ្ពោះចូលក្នុងទឹកដីខេត្តកំពង់ធំ ។ ហើយរហូតមកដល់វេលាម៉ោង ១១យប់ ថ្ងៃដដែលនេះ មិនទាន់មានសមត្ថកិច្ច ឬស្ថាប័នណាមួយឃាត់រកឃើញរថយន្តនោះ នៅឡើយទេ ។

ដោយឡែក លោកឧត្តមសេនីយ៍ទោ ឆាយ គឹមសុន ស្នងការនគរបាលខេត្ត កំពុងបញ្ជាកម្លាំងក្រោយឱវាទតាម ប្រមាញ់ចោរប្លន់រថយន្តខាងលើនោះហើយ ៕

រាជធានីភ្នំពេញ ៖ រថយន្តម៊ីស៊ុយមីស៊ី ១គ្រឿង ខណៈពេលធ្វើដំណើរ តាមបណ្តោយផ្លូវជាតិលេខ៣ ពេលកំពុងមានភ្លៀងរលឹមស្រិចៗ ក៏បានជ្រុលចង្កូតទៅបុករថយន្ត កុងតឺន័រម៉ាកហ៊ីយ៉ាន់ដាយ ១គ្រឿង ដែលធ្វើដំណើរបញ្ច្រាសទិសគ្នា ហើយរថយន្តម៊ីស៊ុយមីស៊ីបាន រេចង្កូតទៅបុកម៉ូតូឌ្រីម ១គ្រឿងទៀត បណ្តាលឲ្យបុរសម្ចាស់ម៉ូតូរងរបួសធ្ងន់ ត្រូវបញ្ជូនទៅសង្រ្គោះនៅមន្ទីរពេទ្យ ដែលហេតុការណ៍នេះ បានកើតឡើង កាលពីវេលាម៉ោង ៥ និង ៣០នាទី ល្ងាចថ្ងៃទី៣០ កញ្ញា ២០១៣ នៅចំណុចក្បែរសាលាសង្កាត់ភ្លើងឆេះរទេះ ស្ថិតក្នុងភូមិព្រៃកី សង្កាត់ភ្លើងឆេះរទេះ ខណ្ឌពោធិ៍សែនជ័យ ។

តាមប្រភពព័ត៌មាន បានឲ្យដឹងថា មុនពេលកើតហេតុគេឃើញ រថយន្តម៉ាកម៊ីស៊ុយមីស៊ី ១គ្រឿង ពណ៌ទឹកប្រាក់ ពាក់ស្លាកលេខ ឆ-9763 ភព2 បើកបរដោយបុរសម្នាក់ ធ្វើដំណើរពីត្បូងទៅជើង លុះមកដល់ចំណុចកើតហេតុខាងលើ ក៏បានជ្រុលល្បឿនទៅបុក រថយន្តកុងតឺន័រម៉ាកហ៊ីយ៉ាន់ដាយ ១គ្រឿង ពណ៌ស ពាក់ស្លាកលេខ ភ្នំពេញ 3A-5037 ដែលបើកច្រាសទិសគ្នា ចំធុងសំាងពេញទំហឹង ហើយបានរេចង្កូតទៅបុកម៉ូតូឌ្រីមC125 ពណ៌ខ្មៅ ១គ្រឿងទៀត ជិះដោយបុរសម្នាក់ឈ្មោះ សឿង សានិត អាយុ ៤២ឆ្នាំ មុខរបរកម្មកររោងចក្រ បណ្តាលឲ្យរងរបួសធ្ងន់ ចំណែកម៉ូតូគាបជាប់ក្រោមរថយន្តអូសធ្លាក់ផ្លូវ ។

ក្រោយកើតហេតុ សមត្ថកិច្ចបានចុះធ្វើការវាស់វែង និងនាំយករថយន្ត រួមទាំងម៉ូតូ ទៅរក្សាទុកនៅការិយាល័យ ចរាចរណ៍ជើងគោករាជធានីភ្នំពេញ ដើម្បីធ្វើការដោះស្រាយតាមផ្លូវច្បាប់ ៕

ខេត្តព្រះសីហនុ ៖ មានការប្រទូស្តរាយគ្នា មួយបានកើតឡើង បន្ទាប់ពីក្រុមជនបរទេសមួយក្រុមបាន ឈ្លោះប្រកែកគ្នាជាមួយក្រុមម៉ូតូទឹក បង្កឲ្យភ្ញៀវទេសចរណ៍ជាច្រើនមានការ ភ្ញាក់ផ្អើលមួយកំណាត់ឆ្នេរសមុទ្រអូរឈើទាល ដែលហេតុការណ៍នេះ បានកើតឡើងកាលពីវេលាម៉ោង ៤ និង ៣០នាទី ល្ងាចថ្ងៃទី៣០ កញ្ញា ២០១៣ នៅចំណុចរូបសំណាក់ត្រីដូហ្វីន ស្ថិតក្នុងក្រុមទី១៧ ភូមិ៤ សង្កាត់លេខ៤ ក្រុងព្រះសីហនុ ។

លោកវរសេនីយ៍ទោ ខេង សុផល បានឲ្យដឹងថា ជនបរទេសដែលកំពុងជាប់ ចោទពីបទប្រើអំពើហិង្សានេះ មានឈ្មោះ Taipari Taikato ភេទប្រុស អាយុ ២៤ឆ្នាំ មុខរបរទេសចរណ៍ បានទាស់សម្តីគ្នាជាមួយក្រុមម៉ូតូទឹក បង្កឲ្យភាគីខ្មែររងរបួសចំនួន ៣នាក់ ។ ជនរងគ្រោះទាំង ៣នាក់ មានឈ្មោះ ១- មស់ វណ្ណា ភេទប្រុស អាយុ ២៤ឆ្នាំ ម្ចាស់ម៉ូតូទឹក (ត្រូវ ១ដៃ ចំមុខ) ២- ផល សុភ័ក្រ្ត ភេទប្រុស អាយុ ២២ឆ្នាំ កម្មករ (ត្រូវ ១ដៃ ចំថ្ងាស) ៣- ឃ្លោក ឌឿ ភេទប្រុស អាយុ ៣០ឆ្នាំ ម្ចាស់ម៉ូតូទឹក (រងរបួសបាក់ធ្មេញចំនួន ១ បែលបបូរមាត់) អ្នកទាំង៣ មានទីលំនៅក្រុមទី១៧ ភូមិ៤ សង្កាត់លេខ៤ ក្រុងព្រះសីហនុ។

លោកបន្តថា បើយោងតាមការសាកសួរភាគីជនបរទេស បានឆ្លើយថា រូបគេពិតជាបានវាយទៅ លើភាគីខ្មែរពិតមែន ព្រោះតែភាគីខ្មែរជាម្ចាស់ម៉ូតូទឹកតាមរករឿង ពួគគាត់ដោយក្នុងដៃមានដំបង និងពូថៅ បន្ទាប់ពីរូបគាត់មានការទាស់សម្តីគ្នារឿង ភាគីម៉ូតូទឹកហៅគាត់ឲ្យ ចូលមុនម៉ោងកំណត់ ។ ចំណែកភាគីរងគ្រោះក្រុមម៉ូតូទឹក បានអះអាងថា ការទាស់សម្តីគ្នានេះ គឺកើតឡើងដោយសារជន បរទេសម្នាក់ក្នុងចំណោម ៦នាក់ ជិះម៉ូតូពុំព្រមឲ្យលុយ ទើបឈានដល់ការប្រកែកគ្នា និងបានរុញគ្នាទៅវិញទៅមក ហើយក៏ត្រូវជនបរទេសម្នាក់ក្នុងចំណោម ៦នាក់ លូកដៃមកដាល់ពួគគាត់បណ្តាលឲ្យម្នាក់ បាក់ធ្មេញបែកបបូរមាត់ ម្នាក់ពកថ្ងាស និងម្នាក់ត្រូវមួយដៃកណ្តាលមុខ ។

បច្ចុប្បន្ន ជនបរទេសជាប់ចោទកំពុងត្រូវបានសមត្ថកិច្ចប៉ូលិសសាកសួរ ព័ត៌មានបន្ថែមជុំវិញករណីនេះ ដើម្បីចាត់ការតាមនីតិវិធីច្បាប់ ៕

កណ្តាល៖ ក្មេងស្ទាវ២ក្រុម ដេញវាយគ្នា ផ្អើលពេញភូមិ ហើយត្រូវបាននគរបាល ប៉ុស្តិ៍រដ្ឋបាល ឃុំគគីរឃាត់ ខ្លួនបានម្នាក់ កាលពីវេលាម៉ោង២ រំលងអាធ្រាត្រឈាន ចូលថ្ងៃទី៣០ ខែកញ្ញា ឆ្នាំ២០១៣ ។

យុវជន ឈ្មោះ ញឹម ចិត្រា ភេទប្រុស អាយុ២១ឆ្នាំ រស់នៅភូមិពពាលខែ ឃុំដីឥដ្ឋ ស្រុកកៀនស្វាយ ខេត្តកណ្តាល ដែលរងគ្រោះ ក្នុងជម្លោះហិង្សារវាងក្មេង ស្ទាវទាំងពីរក្រុម  បានឲ្យដឹងថា បន្ទាប់ពីមកពី ដើរលេងរួចហើយ ក្រុមរបស់ខ្លួនបានជិះម៉ូតូពី វត្តពុទ្ធមណ្ឌលធម្មទួល បំណងចេញមកភ្នំពេញវិញ តាម បណ្តោយផ្លូវជាតិលេខ១ តែខណៈមកដល់ចំណុចវត្តកោះ ពួកគេក៏ឈប់ម៉ូតូ ស្រាប់តែលេចមុខភាគីម្ខាងទៀត មិនដឹងថាបណ្តាល មកពីមូលហេតុអ្វី ក្រុមជនបង្កនោះស្រាប់តែ មកឈប់ម៉ូតូចុះព្រួតវាយមកលើក្រុមរបស់គេ ធ្វើឲ្យខូចខាតម៉ូតូ២គ្រឿង ហើយពួកគេបានរត់គេចខ្លួនបាត់ស្រមោលឈឹង ។

ក្រោយពេលកើតហេតុនគរបាលប៉ុស្តិ៍ឃុំគគីរ ចុះឃាត់ខ្លួនបានជនសង្ស័យ ម្នាក់ឈ្មោះ ជាង វុទ្ធី ភេទប្រុស អាយុ២០ឆ្នាំ ស្នាក់នៅសង្កាត់និរោធ ខណ្ឌមានជ័យ និងដកហូតបានម៉ូតូស្កុបពី មួយគ្រឿង។

មុនឈានដល់ការឃាត់ខ្លួន យុវជនបង្កហេតុខាងលើនេះ សមត្ថកិច្ចនគរបាលបានឲ្យដឹងថា ដំបូងឡើយ ភាគីទាំងសងខាងម្ខាងមានគ្នា៦ទៅ៧នាក់ មានម៉ូតូចំនួន៤ទៅ៥គ្រឿង បំណងទៅដើរលេងនៅវត្តពុទ្ធមណ្ឌលធម្មទូល ស្ថិតនៅភូមិស្តៅកន្លែង ឃុំដីឥដ្ឋ ។

ភ្លាមៗនោះសមត្ថកិច្ចបានចុះមកអន្តរាគមន៍ឃាត់ខ្លួនបានជនសង្ស័យម្នាក់ ឈ្មោះ ជាង វុទ្ធី យកមកសាកសួរ នៅទីស្នាក់ការនគរបាលប៉ុស្តិ៍ ។       

បន្ទាប់ពីកើតហេតុ លោក ព្រុំ សំណាងនាយប៉ុស្តិ៍ឃុំគគីរបានប្រាប់ថា ជនសង្ស័យសុខចិត្ត សងចំនួន៥០០ ដុល្លារ ថ្លៃជួសជុលម៉ូតូឲ្យជនរងគ្រោះ ដើម្បីបញ្ចប់រឿង ៕

ក្រចេះ ៖ ដោយសារតែ មានជម្លោះ ជាមួយគ្នានេះ នៅពេលរាំងធុងបាស់ ក្នុងវត្ត បុរសម្នាក់ ត្រូវភាគី ម្ខាងទៀត លួចបាញ់មួយព្រួញ ចំ-ពោះ ជាប់ឆ្កឹង កាលពីវេលាម៉ោង១០យប់ ថ្ងៃទី២៩ ខែកញ្ញា ឆ្នាំ២០១៣ ស្ថិតក្នុង ភូមិត្នោត ឃុំថ្មី ស្រុកចិត្របុរី ខណៈជនរងគ្រោះ កំពុងឈរ នោម នៅគៀនរបងវត្ត ពេលរាំធុងបាស់ចប់ ។ ដោយសារតែស្ថានភាព ធ្ងន់ធ្ងរពេក ជនរងគ្រោះត្រូវដឹកបញ្ជូន មកកាន់មន្ទីរពេទ្យ កាល់ម៉ែត ដើម្បីធ្វើការវះកាត់ ។

សាច់ញាតិ ជនរងគ្រោះ ដែលមកកំដរ បានឲ្យដឹងថា ជនរងគ្រោះឈ្មោះ ឆាន សិទ្ធ អាយុ១៩ឆ្នាំ រស់នៅភូមិ-ឃុំកើត ហេតុខាងលើ ។ សាច់ញាតិ បានបន្តថា នៅយប់កើតហេតុ បន្ទាប់ពីរាំធុងបាស់ចប់ ជនរងគ្រោះបានដើរត្រឡប់ទៅផ្ទះវិញ ហើយពេលកំពុងឈរបត់ជើងតូចក្បែរ របងវត្តក៏ត្រូវជនមិនស្គាល់មុខ លួចបាញ់១ព្រួញចំពោះជាប់ឆ្កឹងតែម្តង។

ក្រោយកើតហេតុ កម្លាំងសមត្ថកិច្ច មូលដ្ឋាន បានធ្វើការស្រាវជ្រាវ តាមចាប់ជនដៃដល់ ៕

រឿងប្លែកៗតែងតែង កើតមានឡើង នៅលើពិភពលោកនេះ មិនថាតែមនុស្ស ឬសត្វនោះទេ ដែលនៅក្នុងនោះ កូនជ្រូកមួយក្បាល ដែលកើតមកជាមួយនឹងបងប្អូនដទៃទៀត បែរជាមានមុខមាត់ខុសគេទៅវិញ។

តាមសារព័ត៌មានរបស់វៀតណាម បានឲ្យដឹងថា កូនជ្រូកនេះ ត្រូវបានគេប្រទះឃើញ នៅក្នុងក្រុមគ្រួសារមួយដែលត្រូវបានគេស្គាល់ឈ្មោះថា Hieu ជាអ្នករស់នៅក្នុងភូមិ Vinh Thanh នៃសហគមន៍ Male តំបន់ Yen Thanh ប្រទេសវៀតណាម។ យ៉ាងណាមិញ មេជ្រូកមួយក្បាល ដែលក្រុមគ្រួសានេះ បានចិញ្ចឹម បានបង្កើតកូន ១១ក្បាល តែមួយនៅក្នុងចំណោមនោះ បែរជាមុខមាត់ដូចជា កូនដំរីទៅវិញ។ តាមសម្ដីរបស់ក្រុមគ្រួសារនេះ បានឲ្យដឹងថា គ្រួសារខ្លួនបានចិញ្ចឹមមេជ្រូកនេះ ប្រហែលជា ១ឆ្នាំមកហើយ ដែលនេះក៏ជាលើកទីមួយ ដែលមេជ្រូកនេះបានបង្កើតកូនដូចគ្នា ដែលកាលបង្កើតនេះគឺ នៅថ្ងៃទី ១៧ ខែកញ្ញា ឆ្នាំ ២០១៣។ នៅពេលដែលមេជ្រូកនេះ បង្កើតកូន លោក Hieu និងប្រពន្ធបានអង្គុយចាំមើល តែអ្វីដែលមិននឹកស្មានដល់ គឺមានកូនជ្រូកមួយ ដែលកើតមក មានរូបរាង និងមុខមាត់ ដូចជាសត្វដំរីទៅវិញ។ តែសំណាងអាក្រក់ វាបានងាប់ក្រោយពីកើតបានមួយថ្ងៃ។

ទោះជាយ៉ាងណា មានអ្នកភូមិជាច្រើនចូលទៅមើលកូនជ្រូកនេះ និងនាំគ្នានិយាយផ្សេងៗគ្នា ពីអបិយជំនឿដែលកូនជ្រូកកើតមក តែបែរជាមានមុខមាត់ ដូចជាដំរីនោះ។

ចុះប្រិយមិត្ដធ្លាប់ឃើញ កូនជ្រូក ឬសត្វផ្សេងៗ ដែលកើតមកមានរូបរាង និងមុខមាត់ ខុសពីសារជាតិខ្លួនដែរឬទេ?

ខ្មែរឡូត

ប្រភព lookingtoday

ភ្នំពេញ៖ គ្រាន់តែចូលមកដល់វិថីសិល្បៈ មិនទាន់បានយូរឆ្នាំស្រួសបួលផង តារាសម្តែងនិយមស្លៀកពាក់សិចស៊ី បញ្ចេញដើមទ្រូងគួរឲ្យស្រក់ទឹកមាត់ កញ្ញា ហ្វីហ្វី មានបុរសៗសម្បួរទ្រព្យ និងមានបុណ្យស័ក្តិខ្ពស់ ក្នុងជួររាជរដ្ឋាភិបាល ចង់ធានាចិញ្ចឹមស្ទើរគ្រប់គ្នា តែនាងបានបដិសេធ មិនទទួលយកតាមការស្នើរសុំ របស់ពួកកន្លង់ៗសាវា ជះលុយជាធ្នាក់ទាក់យកមកកំដរអារម្មណ៍ ទាំងអស់នោះឡើយ ។ ដោយនាងបានសម្អាងយ៉ាងជាក់ច្បាស់ថា នាងអាចចិញ្ចឹមខ្លួនឯងបាន មិនបាច់ចាំមានអ្នកណាឧបត្ថម្ភ នាងឡើយ ។

ដោយឡែកថ្មីៗនេះ តារាសម្តែងដើមទ្រូងសិចស៊ីសម្បូរមន្តស្នេហ៍ ហ្វីហ្វី ត្រូវបានអ្នកនៅក្នុងចង្កោមសិល្បៈ និងជាអ្នកកៀកកិតស្និទ្ធស្នាលជាមួយនាង បានបង្ហើបប្រាប់គេហទំព័រ LookingTODAY ឲ្យដឹងថា ប៉ុន្មានថ្ងៃមុននេះ ហ្វីហ្វី បានចេញទៅដើរលេងនៅខេត្តបាត់ដំបង ជាមួយប្រុសស្នេហ៍របស់នាង រយៈពេលពីរបីថ្ងៃ ទើបត្រឡប់មកភ្នំពេញវិញ ហើយនាងបានបន្តដំណើរ ទៅកម្សាន្តនៅមាត់សមុទ្រក្រុងកំពង់សោម បន្តទៀត។

ពាក់ព័ន្ធនឹងការបង្ហើបប្រាប់ របស់ប្រភពខាងលើគេហទំព័រ LookingTODAY បានទូរស័ព្ទសម្ភាសន៍ ជាមួយស្រីស្រស់ ហ្វីហ្វី ដោយនាង បានទទួលស្គាល់ថា នាងពិតជាបានទៅដើរលេងនៅ ខេត្តបាត់ដំបង និងកំពង់សោម ពិតប្រាកដមែន។ តែនាងបានបដិសេធថា មិនបានទៅជាមួយប្រុសស្នេហ៍ ដូចដែលគេលើកឡើងនោះទេ ។

ស្រីស្រស់សាច់សគួរឲ្យគ្រឺតខ្នាញ់ កញ្ញា ហ្វីហ្វី បានបញ្ជាក់ប្រាប់គេហទំព័រ LookingTODAYថា “ខ្ញុំពិតជាបានទៅលេង ខេត្តបាត់ដំបងពិតមែនបង…តែមិនមែនទៅជាមួយប្រុសស្នេហ៍ ដូចគេនិយាយឡើយ គឺខ្ញុំទៅជាមួយមិត្តភក្តិបីនាក់ ទៅចូលរួមកម្មវិធីជប់លៀង មេប៉េអឹមគាត់ហៅទៅ ។ ឥឡូវនេះ គឺខ្ញុំបានមកលេងកំពង់សោមជា មួយគ្រួសារបន្តទៀត”។

កញ្ញា ហ្វីហ្វី បានឲ្យដឹងថា ការងារសិល្បៈរបស់នាងបច្ចុប្បន្ន គឺមានការមមាញឹកច្រើនគួរសម ព្រោះនាងត្រូវថតខារ៉ាអូខេឲ្យផលិតកម្ម Diamond Music បន្តបន្ទាប់ ហើយថ្មីៗនេះទើបតែថត បញ្ចប់បទ “ក្បត់បងព្រោះគេ” របស់ កញ្ញា ឃិត សំម៉ាលីស ៕

ទស្សនារូបភាពតារាជាច្រើនទៀត

ប្រភពពី៖​ www.khmer-note.com

ជប៉ុន ៖ តារា​ម៉ូ​ដែល Asuka Kishi 岸明日香 ជា​តារា​វ័យក្មេង​ដែល​មកពី អូ​សា​កា ប្រទេស​ជប៉ុន ។ ស្រី

​ស្រស់​សុដន់​ហៀរ​រូបនេះ​កើត​នៅ ថ្ងៃទី ១១ ខែ មេសា ឆ្នាំ ១៩៩១ ។

អំឡុង​ពេល​ប្រឡូក​ក្នុង​អាជីព​ជា​តារា​ម៉ូ​ដែល នាង Asuka Kishi

តែងតែ​បង្ហាញខ្លួន​លើ​ទស្សនា​វ​ដ្តី ជប៉ុន​ជា​ច្រើន​ដូចជា mage.tv,

Bomb.tv, Young Animal Arashi, V.W.S, Sabra.net និង Weekly Playboy

ជាដើម​។ ថ្មីៗ​នេះដែរ ស្រី​ស្រស់​សម្រស់​បាន ធ្វើ​ឲ្យ​ប្រុសៗ​ខ្នា​ញ់ នាង

Asuka Kishi បានបង្ហាញ​រូប​ជា​ច្រើន​សន្លឹក សុទ្ធសឹង​ជា​រូបភាព​ដែល​មើល​ហើយ

ឈាម​ច្រមុះ ក្តៅខ្លួន ព្រោះតែ​សម្រស់​ផូរផង់​របស់​នាង ។​
​ចង់ដឹងថា ក្តៅខ្លួន​ប៉ុណ្ណា ឬ​ឈាម​ច្រមុះ​ឬ​អត់ រូបភាព​ដូច​ខាងក្រោម​នេះ​៖​

ប្រភព៖​ domneng