ម្ចាស់បទ “We can’t stop” នាង Miley Cyrus ទំនងមិនអាចបញ្ឈប់សកម្មភាពប្លែកៗរបស់នាងបានដូចចំណងជើងបទចម្រៀងនាងមែនក៏មិនដឹង ព្រោះអស់ពីស្រាតរាំក្នុងបទ “Wrecking Ball” ពេលនេះហ៊ានស្រាតជាថ្មីដាក់ទំព័រមុខទស្សនាវដ្ដី Rolling Stone ទៀត។
រូបភាព Miley ក្នុងទំព័រមុខនោះបង្ហាញពីរូបរាងរបស់នាងទើបងើបពីងូតទឹក ដោយមានផាត់ត្របកភ្នែកពណ៌ខ្មៅ ជ្រោងសក់ឡើងលើ លៀនអណ្ដាត និងឱបដៃបាំងកូនភ្នំទាំងពីររបស់នាង។
មួយរយៈចុងក្រោយតារាស្រី ២០ ឆ្នាំហាក់បង្ហាញសកម្មភាពសិចស៊ីខុសប្លែកពីកាលបង្ហាញមុខជាលើកដំបូងខ្លាំង ហើយអ្វីដែលធ្វើឲ្យនាងល្បីខ្លាំងលើគ្រប់បណ្ដាញសារព័ត៌មានទូទាំងពិភពលោកនោះគឺ ការរាំស្រើបស្រាលក្នុងកម្មវិធីប្រគល់ពានរង្វាន់ MTV’s Video Music Awards ដែលសកម្មភាពនោះបានទទួលការរិះគន់យ៉ាងខ្លាំងថា មិនសមរម្យទាល់តែសោះ។
អាន៖ Miley Cyrus ដល់ថ្នាក់ហ៊ានស្រាតក្នុងវីដេអូចម្រៀងថ្មី!
ទោះជាយ៉ាងណា តារាប៉ុបដដែលបានបញ្ជាក់ថា នាងទំនងនឹងមិនធ្វើសកម្មភាពឆ្កួតៗដូចជា លៀនអណ្ដាត និងរាំគ្រវីគូទសិចស៊ី (Twerk) ទៀតទេ។ ចាំមើលថា នាងធ្វើបានដូចមាត់ឬយ៉ាងណា?
បន្ទាប់ពីធ្វើរឿងឆ្កួតៗមិនបានប៉ុន្មានផង Miley បានចេញមុខប្រកាសបញ្ចប់ទំនាក់ទំនងជាមួយគូដណ្ដឹងគឺតារាសម្ដែង Liam Hemsworth។ ទាយបានទេថា រឿងនេះកើតឡើងដោយសារនរណា? ចង់អានព័ត៌មានលម្អិត ចុចត្រង់នេះ!
0 comments:
Post a Comment