លោកប្រធានាធិបតីស៊ីរីអាល់អាសាដ បានមានប្រសាសន៍ថា ក្រៅពីអាវុធគីមីស៊ីរីនៅមានអាវុធទំនើបៗហួសពីការរំពឹងទុក អាចវាយកម្ទេចអ៊ីស្រាអែលបានយ៉ាងងាយក្នុងមួយពព្រិចភ្នែកតែប៉ុណ្ណោះ។
សូមអាន៖ ជនភៀសខ្លួនស៊ីរីធ្វើឲ្យលីបង់ខាតអស់៧,៥ពាន់លានដុល្លា
ដោយអួតអាងពីអនុភាពកម្លាំងសព្វាវុធរបស់ខ្លួន លោកប្រធានាធិបតីផ្ដាច់ការរូបនេះបាន លើកឡើងពីភាពជោគជ័យរបស់ស៊ីរីក្នុងការផលិតបានអាវុធគីមីកាលពីទសវត្សទី៨០ ទន្ទឹមនឹងការប្រកាសក្ដែងៗរបស់លោកនៅពេលនេះ ថា ទីក្រុងដាម៉ាសនៅមានអាវុធទំនើបៗផ្សេងទៀតហួសពីការរំពឹងទុក។
លោកអាល់អាសាដបានបញ្ជាក់ថា នៅពេលបច្ចុប្បន្ន ស៊ីរីមានសព្វាវុធនៅក្នុងដៃយ៉ាងទំនើប ដែលអាចវាយប្រហារកម្ទេចអ៊ីស្រាអែលក្នុងមួយពព្រិចភ្នែក ។ លោកបានបន្ថែមថា លោកខាងលិចមិនបានដកហូតអាវុធគីមីពីអ៊ីស្រាអែលក្នុងលេសមួយដើម្បីការពារប្រជាជនស៊ីវិលនៅក្នុងប្រទេសនេះ។ ក៏ប៉ុន្តែនេះគ្រាន់តែជាពុតត្បុតរបស់ពួកគេធ្វើឲ្យអ៊ីស្រាអែលធ្លាក់ចូលក្នុងជម្លោះដ៏វែងឆ្ងាយនៅពេលអនាគតតែប៉ុណ្ណោះ។
សូមអាន៖ កងកម្លាំងពិសេសស៊ីរីត្រៀមវាយបកអាមេរិកលើទឹកដីអាមេរិក
លោកអាល់អាសាដក៏បានចំអកឲ្យលោកប្រធានាធិបតីអាមេរិកផងដែរ គោលនយោបាយបំភិតបំភ័យរបស់លោកអូបាម៉ានៅពេលកន្លងមក គឺមានភាពស្ទាក់ស្ទើរ និងខ្សោយបំផុត ដែលនេះគឺជាទង្វើគួរឲ្យខ្មាសអៀនមួយបង្ហាញពីភាពបរាជ័យរបស់អាមេរិក និងសម្ព័ន្ធមិត្តលើឆាកអន្តរជាតិ។ លោកចង់សង្កត់ធ្ងន់ថា មហាអំណាចលោកខាងលិចពិតជាគ្មានសមត្ថភាពវាយប្រហារស៊ីរីបានឡើយ ហើយថា កងទ័ពរុស្ស៊ីរាប់ម៉ឺននាក់នឹងមានវត្តមាននៅស៊ីរីប្រសិនបើលោកខាងលិចហ៊ានអន្តរាគមន៍យោធាមកលើខ្លួនមែននោះ។
ការអះអាងរបស់លោកអល់អាសាដនៅពេលនេះ ធ្វើឡើងបន្ទាប់ពីក្រុមប្រឹក្សាសន្តិសុខរបស់អង្គការសហប្រជាជាតិបានព្រមព្រៀងគ្នាស្វែងរកដំណោះស្រាយរួមមួយលើសេចក្ដីសម្រេចដើម្បីដកហូតអាវុធគីមីពីស៊ីរី។ ដំណោះស្រាយខាងលើនេះ បានធ្វើឲ្យលោកអាល់អាសាដចាត់ទុកថា នឹងធ្វើឲ្យលោកខាងលិចឈឺក្បាល ព្រោះត្រូវចំណាយពេលយូរ ព្រមទាំងត្រូវប្រើប្រាស់ថវិកាច្រើនទៀតផង ដើម្បីកម្ទេចអាវុធគីមីរបស់ខ្លួន៕
មីស៊ីលរបស់ស៊ីរីដែលបានប្រើប្រាស់កន្លងមក
0 comments:
Post a Comment