រថយន្ត Google ដែលកំពុងបំពេញបេសកកម្មផ្ដិតយករូបភាពប្រទេសកម្ពុជា ត្រូវបានប្រជាពលរដ្ឋខ្មែរប្រទះឃើញជាបន្តបន្ទាប់នៅតាមដងផ្លូវ និងទីតាំងតំបន់មួយចំនួន។
ដោយឡែក ប្រិយមិត្តតាម Facebook មួយរូប ថ្មីៗនេះបានបង្ហោះរូបភាពរថយន្ត Google មួយគ្រឿងនៅតំបន់ជនបទមួយ ដែលមានភ្ជាប់ជាមួយម៉ាស៊ីនថតដ៏ពិសេស បានចាប់ផ្ដើមធ្វើចរាចរណ៍ថតនិងប្រមូលរូបភាព ក្នុងការអនុវត្តសេវាបង្ហាញរូបភាពក្នុងប្រព័ន្ធផែនទី Google Map ដើម្បីយកទៅបង្ហាញពិភពលោក។
សេវាមើលរូបភាពតាមដងផ្លូវតាមអ៊ីនធឺណិតរបស់ Google គឺជាកម្មវិធីដ៏មានប្រជាប្រិយភាពនិងបានកំពុងអនុវត្តនៅតាមប្រទេស ចំនួន៥០ រួចទៅហើយ ដោយកម្ពុជាជាប្រទេសទី៥១។ ក្នុងតំបន់អាស៊ានកម្ពុជា ជាប្រទេសទីប្រាំ ខណៈសេវារបស់ Google មួយនេះមានរួចទៅហើយនៅក្នុង ប្រទេសសិង្ហបុរី, ថៃ, ឥណ្ឌូណេស៊ី និងម៉ាឡេស៊ី។
0 comments:
Post a Comment