ដោយមើលឃើញថាអតីតកីឡាកររបស់ខ្លួនល្អដែរតែមិនស្ថិតក្នុងជម្រើសដំបូងរបស់លោក Jose Mourinho ក្លិប Valencia កំពុងព្យាយាមតាមទិញខ្សែបម្រើ Juan Mata ពី Chelsea ទៅវិញ។
ក្រោយពីត្រូវលោក André Villas-Boas ទិញពី Valencia មកលេងឱ្យ Chelsea ក្នុងតម្លៃ៣៨លានដុល្លារអាមេរិក(២៣,៥លានផោន)នាខែសីហាឆ្នាំ២០១១ មក ខ្សែបម្រើប្រយុទ្ធជម្រើសជាតិអេស្ប៉ាញវ័យ២៥ឆ្នាំរូបនេះគឺជាកម្លាំងសំខាន់មួយរូបនៅ Stamford Bridge ទាំងក្រោមការដឹកនាំរបស់លោក Villas Boas, Roberto Di Matteo និងលោក Rafael Benitez ដែលឈ្នះជើងឯក UEFA Europa League រដូវកាលមុន។
អត្ថបទ៖ ដឹងទេថា១០ឆ្នាំមកនេះ Abramovich ចាយលុយអស់ប៉ុន្មានដើម្បីទិញកីឡាករមក Chelsea?
Juan Mata (អាវខៀវ)
ប៉ុន្តែអនាគតរបស់អតីតយុវជនក្លិប Real Madrid រូបនេះនៅក្រុមតោខៀវចាប់ផ្ដើមមិនច្បាស់លាស់តាំងពីពេលលោក Jose Mourinho វិលមកកាន់តំណែងជាលើកទី២ ដោយត្រូវធ្លាក់ខ្លួនជាកីឡាករបម្រុងដែលមិនសូវបានលេងសោះ។ ការណ៍នេះបានទាញចំណាប់អារម្មណ៍ក្លិបធំៗមួយចំនួនដូចជា Arsenal, Spurs និង Man Utd ឱ្យផ្ដោតមកតាមដានស្ថានភាពរបស់កីឡាករជំនាញជើងឆ្វេងនេះ។ តែ Valencia ដែល Mata ធ្លាប់លេងឱ្យពីឆ្នាំ២០០៧ដល់២០១១ កំពុងនាំមុខគេក្នុងការនាំយកអតីតកីឡាកររបស់ខ្លួនត្រលប់ទៅ Mestalla Stadium វិញ ក្នុងតម្លៃប្រហែល២៥លានផោន ឬ៤០លានដុល្លារអាមេរិក។
អត្ថបទ៖ Chelsea ជួបកំណត់ត្រាអាក្រក់បំផុតក្រោយមិនឈ្នះ៤ប្រកួតជាប់គ្នា
ប្រសិនបើ Mata ត្រលប់ទៅ Valencia វិញនោះ រូបគេនឹងមានឈ្មោះលេងជម្រើស១១នាក់ដំបូងជាប់លាប់ ដែលបង្កើនឱកាសជាប់ទៅលេង World Cup ជាមួយក្រុមជម្រើសជាតិអេស្ប៉ាញ នៅប្រេស៊ីល កាន់តែខ្ពស់។
យ៉ាងណាក៏ដោយ គេមិនច្បាស់ថាសមាជិកជើងឯក World Cup ២០១០ និង Euro ២០១២ ខាងលើនឹងផ្លាស់ទៅរកទ្រនំថ្មីនាខែមករាឆ្នាំ២០១៤ឬអត់នោះទេ៕
0 comments:
Post a Comment