Apple ថ្ងៃនេះបានដាក់ចេញប្រព័ន្ធប្រតិបត្តិការជំនាន់ថ្មីមួយទៀតហើយគឺ iOS 7.0.2 (build 11A501) ដែលគាំទ្រលើ iPhone, iPod touch និង iPad។ ជំនាន់ថ្មីនេះ នឹងជួសជុលកំហុសឆ្គង Lock Screen ដែលមាននៅលើ iOS 7។
អាន៖ Apple ចេញ iOS 7 ផ្លូវការហើយ
អាន៖ ម្ចាស់ iPhone 4S និង iPhone 5 សូមប្រយ័ត្នបញ្ហា Lockscreen ពេលដំឡើងដល់ iOS 7
ដោយសារមានបញ្ហាខ្លះៗលើមុខងារ Lock Screen ដែល Apple បានដាក់ចេញ iOS 7 ជំនាន់ដំបូងកាលពីជាងមួយសប្ដាហ៍មុននេះ មកដល់ពេលនេះក្រុមហ៊ុនបានចេញឱ្យ update ជាមួយ iOS 7.0.2 ដែលទទួលបានកំណែលម្អលើ Lock Screen។
iOS 7.0.2 នឹងជួសជុលលើចន្លោះប្រហោង bug ដែលធានាផ្ដល់ឱ្យ user មានកម្រិតសុវត្ថិភាពក្នុងការប្រើ passcode សម្រាប់ Lock Screen បានល្អជាងមុន។
កន្លងទៅមានវីដេអូ Youtube មួយបង្ហាញពីការបើកចូលមើល Personal data ដូចជា រូបថត អ៊ីមែល សារ SMS គណនី Facebook Twitter និងកម្មវិធីជាច្រើនទៀតនៅលើ iOS 7 បានបើទោះបីម្ចាស់ទូរសព្ទដាក់ Passcode ហើយក៏ដោយ។
ដើម្បី update បានប្រិយមិត្តអាចចូលតាម Settings ដែលមាននៅលើ iDevice របស់អ្នកគឺ Settings → General → Software Update។ iOS 7.0.2 សម្រាប់ update លើ iPhone 5 មានទំហំ 17MP ហើយទំហំខុសគ្នាផ្សេងទៀតអាស្រ័យតាមប្រភេទ iDevice។ ក្រោយពី update រួច នឹងត្រូវការ restart។
បើតាមវែបសាយអន្តរជាតិមួយចំនួនបានឱ្យដឹងថា Apple ពេលនេះកំពុងធ្វើតេស្ត iOS 7.1។ ទោះជាយ៉ាងណា ពុំមានព័ត៌មានបញ្ជាក់ថា iOS ជំនាន់ថ្មីខាងមុខនេះនឹងកែលំអ ហើយបន្ថែមមុខងារថ្មីអ្វីទៀតនោះឡើយ តែត្រូវបានរំពឹងថា នឹងចេញឱ្យ update បាននៅពាក់កណ្ដាលខែតុលាក្រោយនេះ។
ចុចត្រង់នេះ ដើម្បីតាមដានព័ត៌មានជុំវិញ iOS 7 …
0 comments:
Post a Comment