ក្រុមភេវរជន បានបាញ់ប្រហារស្ថានីយប៉ូលិស បណ្តាលឲ្យប៉ូលិស២នាក់ស្លាប់
កេនយ៉ា ៖ បើតាមប្រភពព័ត៌មានពីទីភ្នាក់ងារ ចិនស៊ិនហួរ បានឲ្យដឹងថា កាលពីព្រឹកថ្ងៃព្រហស្បតិ៍ ទី២៦ ខែកញ្ញា ម្សិលមិញនេះ ស្ថានីយប៉ូលិសមួយកន្លែង ស្ថិតនៅខេត្ត មែនឌឺរ៉ា ភាគខាងជើងប្រទេសកេនយ៉ា ត្រូវបានក្រុមពួកភេរវជន បើកការវាយប្រហារ បណ្តាលឲ្យប៉ូលិស២នាក់បានស្លាប់ និង៣នាក់ទៀតរងរបួស។
បើតាមការបញ្ជាក់របស់មន្ត្រីមូលដ្ឋានបានឲ្យដឹងថា ពួកក្រុមភេវរជនទាំងនោះបានប្រើប្រាស់គ្រាប់រ៉ុក្កែត អមជាមួយ នឹងគ្រាប់បែក ធ្វើការវាយប្រហារ បរិវេណស្ថានីយប៉ូលិស ក្នុងទីក្រុង មែនឌឺរ៉ា បណ្តាលឲ្យប៉ូលិសបានស្លាប់និងរងរបួស ចំណែករថយន្តប្រមាណជាង១០គ្រឿងក៏ទទួលរងនូវការខូចខាតផងដែរ។
បើតាមការសន្និដ្ឋានរបស់សមត្ថកិច្ចពួកក្រុមនេះ អាចជាក្រុមតែមួយដែលបានធ្វើការបាញ់ប្រហារនៅក្នុងផ្សារទំនើបក្នុងរដ្ឋធានីណៃរ៉ូប៊ី ដែលបានបណ្តាលឲ្យមនុស្ស ៦៧នាក់ស្លាប់ កាលពីពេលថ្មីៗកន្លងទៅនេះ ៕
ប្រភពពី៖ www.watphnom-news.com
0 comments:
Post a Comment