ស្ត្រីនេះមហាសំណាង
ប្លែកៗ៖ ស្ត្រីនេះមហាសំណាង ជាចំណងជើងនៃអត្ថបទ ឬរូបភាពដែលផ្សាយដោយវេបសាយ បរទេសមួយកាលពីថ្ងៃទី២៧ ខែកញ្ញា ឆ្នាំ២០១៣នេះ ដោយបានបង្ហាញទិដ្ឋភាពដ៏គួររន្ធត់ញាប់ញ័របំផុតនៃគ្រោះថ្នាក់ពីកុងតឺន័រធ្លាក់ពីលើរថយន្តដែលមានស្ត្រីជនជាតិអ្នកបើកបរនៅក្នុងនោះតែបែរជាមានសុវត្ថិភាព។
ពិតមែនតែគេហទំព័រនេះមិនបានរ៉ាយរ៉ាប់រៀបរាប់ច្រើនពីហេតុការណ៍ដ៏រន្ធត់តក់ស្លុតនេះ ប៉ុន្តែស្ត្រីចិននេះពិតជាមហាសំណាងខណៈពេលកុងតឺន័រយក្សមួយបានធ្លាក់ចំពីលើក្រពឹតខ្ទេចរថយន្តដូចចេកចៀនតែបែរជាអ្នកជិះក្នុងរថយន្តបានរួចជីវិត គ្មានរបួសស្នាមអ្វី ទាំងអស់។ កុងតឺន័របានធ្លាក់ចំរថយន្តពណ៌ខ្មៅមួយគ្រឿង ឃ្លាតពីក្បាលនាងដែលអង្គុយកន្លែងបើកតែប៉ុន្មានសង់ទីម៉ែត្រប៉ុណ្ណោះហើយបានបង្កឲ្យមានការភ្ញាក់ផ្អើល។ ទោះបីជាយ៉ាងណា នាងត្រូវបានក្រុមសង្គ្រោះជួយជាបន្ទាន់ផងដែរតាមរយៈរថយន្តស្ទូចយកកុងតឺន័រចេញ។
ហេតុការណ៍ខាងលើបានកើតឡើងនៅទីក្រុងចាងជាកាំង ខេត្តជាំងសឺ ប្រទេសចិន ខណៈស្ត្រីម្នាក់កំពុងបើកបររថយន្តចូលក្បែររថយន្តដឹកកុងតឺន័រដ៏ធំ ស្រាប់តែចៃដន្យទូកុងតឺន័រនេះរអិលធ្លាក់សង្កត់ពីលើរថយន្តរបស់នាង សំប៉ែតដូចចេកចៀន។ ភ្លាមៗក្រុមជួយសង្គ្រោះបានប្រើគ្រឿងចក្រស្ទូចយកទូកុងតឺន័រចេញពីរថយន្តដែលក្រពឹតដូចចេកចៀននោះឃើញស្ត្រីម្នាក់កំពុងស្ថិតក្នុងបន្លោះតូចមួយផុតពីគ្រោះថ្នាក់ សូម្បីតែរបួសបន្តិចក៏មិនមានដែរ ។ នេះជាអច្ឆរិយមួយម៉ឺនគ្រោះថ្នាក់មួយសម្រាប់ស្ត្រីចិនរូបនេះ ។ ហេតុនេះទើបគេថានាងមហាសំណាងមែន។
កន្លងមកគេតែងតែលេចឮនូវឧប្បត្តិហេតុដ៏មហាសែនគ្រោះថ្នាក់ តែបែរជាមិនគ្រោះថ្នាក់ ឬថា មួយម៉ឺនគ្រោះថ្នាក់ដែលជាហេតុការណ៍ដ៏ប្រឈមបំផុតតែបែរជាអាចរួចជីវិតទៅវិញ ដូចករណីស្ត្រីក្នុងរូបភាពនេះជាដើម៕
0 comments:
Post a Comment