Hotnews7 - Demo

កៅអី​ទៅ​ World Cup ទាំង​១៣​សម្រាប់​ប្រទេស​ក្នុង​តំបន់​អឺរ៉ុប​បាន​រក​ឃើញ​៩​ហើយ ខណៈ​កៅអី​៤​ផ្សេង​ទៀត​ក៏​រក​ឃើញ​ប្រទេស​ទាំង​៨​ដែល​ត្រូវ​ដណ្ដើម​យក​នោះ​ដែរ។

ឆ្លង​កាត់​ការ​ប្រកួត​យប់​មិញ​នេះ ក្រុម​​អង់គ្លេស រុស្សី អេស្ប៉ាញ និង​បូស្នី-ហឺហ្ស៊េហ្គោវីណា បាន​ជាប់​ទៅ World Cup ជា​ស្វ័យប្រវត្តិ​​​ក្រោយ​ឈរ​កំពូល​តារាង​ក្នុង​ពូល​រៀងៗ​ខ្លួន បន្ថែម​លើ​ក្រុម​លេខ​មួយ​ពូល​៥​ផ្សេង​ទៀត​ដែល​ដឹង​ខ្លួន​ជាប់​តាំង​ពី​មុន​ប្រកួត​យប់​មិញ។

Gerrard និង Rooney ជួយ​ឲ្យ​អង់គ្លេសឈ្នះ​យប់​មិញ

ជាមួយ​គ្នា​នេះ​ដែរ ក្រុម​លេខ​២​ល្អ​បំផុត​ទាំង​៨​ក៏​រក​ឃើញ​នោះ​ដែរ ដែល​មាន​ដូច​ជា​ ក្រូអាត (ពូលA) ស៊ុយអែត (ពូល C) រ៉ូម៉ានី (ពូល D) អ៊ីស្លង់ (ពូល E) ព័រទុយហ្គាល់ (ពូល F) ក្រិក (ពូល G) អ៊ុយក្រែន (ពូល H) និង​បារាំង (ពូល I) ខណៈ​ដាណឺម៉ាក ដែល​ជាប់​លេខ​២​ពូល B ជា​ក្រុម​ដែល​ត្រូវ​ធ្លាក់​ដោយ​សារ​ពិន្ទុ​តិច​ជាង​ក្រុម​លេខ​២​ទាំង​៨​ផ្សេង​ទៀត។

​​សរុប​មក​វិញ ក្រុម​នៅ​អឺរ៉ុប​ដែល​​បាន​កក់​កៅអី​នៅ​ World Cup ឆ្នាំ​ក្រោយរួច​ហើយ​នោះ ​​​រួម​មាន៖ បែលហ្សិក, អ៊ីតាលី, អាល្លឺម៉ង់, ហុល្លង់, ​ស្វីស, រុស្សី, បូស្នី-ហឺហ្ស៊េហ្គោវីណា, អង់គ្លេស និង​អេស្ប៉ាញ។

រី​ឯ​ក្រុម​លេខ​២​ទាំង​៨ ដូច​បាន​រៀបរាប់​ខាង​លើ នឹង​ត្រូវ​ប្រកួត play-off នា​ខែ​វិច្ឆិកា​ខាង​មុខ​ដើម្បី​យក​៤ក្រុម​បន្ថែម​ទៀត​ទៅ​ប្រេស៊ីល។ ការ​ចាប់ឆ្នោត​ជ្រើស​គូ​ប្រកួត នឹង​ត្រូវ​ធ្វើ​ឡើង​នា​ថ្ងៃ​ចន្ទ​សប្ដាហ៍​ក្រោយ។ ក្រុម​ដែល​មាន​ចំណាត់ថ្នាក់​ FIFA ខ្ពស់​ជាង​គេ​ទាំង​៤ នឹង​មិន​ត្រូវ​ដាក់​ឲ្យ​ជួប​គ្នា​នោះ​ទេ​ក្នុង​ការ​ចាប់​ឆ្នោត​នោះ ដូច្នេះ​យើង​អាច​សន្និដ្ឋាន​បាន​មុន​ថា​ ក្រូអាត ព័រទុយហ្គាល់ ក្រិក និង​ស៊ុយអែត នឹង​មិន​ជួប​គ្នា​ទេ ដោយ​សារ​ក្រុម​ទាំង​៤​មាន​ចំណាត់ថ្នាក់​ FIFA ល្អ​ជាង​ក្រុម​​ រ៉ូម៉ានី អ៊ីស្លង់ អ៊ុយក្រែន និង​បារាំង។ ​​

កីឡាករ​អេស្ប៉ាញ​អបអរ​ក្រោយ​ស៊ុត​បញ្ចូល​ទី

លទ្ធផល​ទាំង​អស់​កាល​ពី​យប់​មិញ និង​ចំណាត់ថ្នាក់​នៃ​ពូល​នីមួយៗ​ ​មាន​ដូច​ខាង​ក្រោម៖

ពូល	លទ្ធផល​យប់មិញ	​ចំណាត់ថ្នាក់​
A	ស៊ែប ៥-១ ម៉ាសេដូនី	១. បែលហ្ស៊ិក (២៦ពិន្ទុ), ២. ក្រូអាត (១៧ពិន្ទុ), ៣. ស៊ែប (១៤ពិន្ទុ), ៤. ស្កុតឡែន (១១ពិន្ទុ), ៥. វែល (១០ពិន្ទុ), ៦. ម៉ាសេដូនី (៧ពិន្ទុ)
	បែលហ្សិក ១-១ វែល
	ស្កុតឡែន ២-០ ក្រូអាត
B	ប៊ុលហ្គារី ០-១ សាធារណរដ្ឋឆេក	១. អ៊ីតាលី (២២ពិន្ទុ), ២. ដាណឺម៉ាក (១៦ពិន្ទុ), ៣. ​សាធារណរដ្ឋឆេក (១៥ពិន្ទុ), ៤. ប៊ុលហ្គារី (១៣ពិន្ទុ), ៥. អាមិននៀ (១៣ពិន្ទុ), ៦. ម៉ាល់តា (៣ពិន្ទុ)
	ដាណឺម៉ាក ៦-០ ម៉ាល់តា
	អ៊ីតាលី ២-២ អាមិននៀ​
C	ហ្វារ៉ូអាយឡែន ០-៣ អូទ្រីស	១. ​អាល្លឺម៉ង់ (២៨ពិន្ទុ), ២. ស៊ុយអែត (២០ពិន្ទុ), ៣. អូទ្រីស (១៧ពិន្ទុ), ៤. អៀរឡង់ (១៤ពិន្ទុ), ៥. ​កាហ្សាក់ស្ថាន (៥ពិន្ទុ), ៦. ​ហ្វារ៉ូអាយឡែន (១ពិន្ទុ)
	អៀរឡង់ ៣-១ កាហ្សាក់ស្ថាន
	ស៊ុយអែត ៣-៥ ​អាល្លឺម៉ង់
D	ហុងគ្រី ២-០ អង់ដូរ៉ា	១. ហុល្លង់ (២៨ពិន្ទុ), ២. រ៉ូម៉ានី (១៩ពិន្ទុ), ៣. ហុងគ្រី (១៧ពិន្ទុ), ៤. ទួរគី (១៦ពិន្ទុ), ៥. អេស្តូនី (៧ពិន្ទុ), ៦. អង់ដូរ៉ា (០ពិន្ទុ)
	រ៉ូម៉ានី ២-០ អេស្តូនី
	ទួរគី ០-២ ហុល្លង់
E	ស៊ីប្រ៊ូស ០-០ ​អាល់បានី	១. ​ស្វីស (២៤ពិន្ទុ), ២. អ៊ីស្លង់ (១៧ពិន្ទុ), ៣. ស្លូវេនៀ (១៥ពិន្ទុ), ៤. ន័រវែស (១២ពិន្ទុ), ៥. ​អាល់បានី (១១ពិន្ទុ), ៦. ស៊ីប្រ៊ូស (៥ពិន្ទុ)
	ន័រវែស ១-១ អ៊ីស្លង់
	​ស្វីស ១-០ ស្លូវើនៀ
F	អាហ្សេបៃហ្សង់ ១-១ រុស្សី	១. រុស្សី (២២ពិន្ទុ), ២. ព័រទុយហ្គាល់ (២១ពិន្ទុ), ៣. អ៊ីស្រាអែល (១៤ពិន្ទុ), ៤. អាហ្សេបៃហ្សង់ (៩ពិន្ទុ), ៥. អៀរឡង់ខាងជើង (៧ពិន្ទុ), ៦. លុចហ្សំបួរ (៦ពិន្ទុ)
	អ៊ីស្រាអែល ១-១ អៀរឡង់ខាងជើង
	ព័រទុយហ្គាល់ ៣-០ លុចហ្សំបួរ
G	ក្រិក ២-០ លិចធិនស្តែន	១. បូស្នី-ហឺហ្ស៊េហ្គោវីណា (២៥ពិន្ទុ), ២. ក្រិក (២៥ពិន្ទុ), ៣. ស្លូវ៉ាគី (១៣ពិន្ទុ), ៤. លីទុយអានី (១១ពិន្ទុ), ៥. ឡាតវី (៨ពិន្ទុ), ៦. លិចធិនស្តែន (២ពិន្ទុ)
	លីទុយអានី ០-១ បូស្នី-ហឺហ្ស៊េហ្គោវីណា
	ឡាតវី ២-២ ស្លូវ៉ាគី
H	អង់គ្លេស ២-០ ប៉ូឡូញ	១. អង់គ្លេស (២២ពិន្ទុ), ២. អ៊ុយក្រែន (២១ពិន្ទុ), ៣. ម៉ុងតេណេក្រូ (១៥ពិន្ទុ), ៤. ប៉ូឡូញ (១៣ពិន្ទុ), ៥. ម៉ុលដូវ៉ា (១១ពិន្ទុ), ៦. សាន់ម៉ារីណូ (០ពិន្ទុ)
	ម៉ុងតេណេក្រូ ២-៥ ម៉ុលដូវ៉ា
	សាន់ម៉ារីណូ ០-៨ អ៊ុយក្រែន
I	បារាំង ៣-០ ​ហ្វាំងឡង់	១. អេស្ប៉ាញ (២០ពិន្ទុ), ២. បារាំង (១៧ពិន្ទុ), ៣. ​ហ្វាំងឡង់ (៩ពិន្ទុ), ៤. ហ្សកហ្ស៊ី (៥ពិន្ទុ), ៥. បេឡារូស (៤ពិន្ទុ)
	អេស្ប៉ាញ ២-០ ហ្សកហ្ស៊ី

អត្ថបទ​ទាក់ទង៖ នៅ​អឺរ៉ុប រក​ឃើញ​ក្រុម​ជាប់​ទៅ​ World Cup ​ស្វ័យប្រវត្តិ​៣​ប្រទេស​ទៀត​ហើយ

អត្ថបទ​ទាក់ទង​នឹង World Cup ផ្សេង​ទៀត សូម​ចុច​ត្រង់​នេះ

អត្ថបទ​៖ សុខ សុវត្ថិ
រូបភាព៖ dailymail

ក្រោយ​ផ្ដួល​ជើង​ខ្លាំង​របស់​ម៉ិកស៊ីកូ Juan Manuel Marquez​ ​ដោយ​ពិន្ទុ​ម្សិលមិញ​ ​អ្នក​ប្រដាល់​មិន​ទាន់​ស្គាល់​ជាតិ​ចាញ់​របស់​អាមេរិក​ Timothy Bradley ​បើក​ទ្វារ​ជានិច្ច​សម្រាប់​​ទទួល​ការ​ឡើង​សងសឹក​របស់​ស្ដេច​ប្រដាល់​ហ្វីលីពីន Manny Pacquiao ដែល​​ត្រូវ​ចៅក្រម​កាត់​ឱ្យ​ចាញ់ Bradley យ៉ាង​ចម្រូងចម្រាស​ ក្នុង​ខែ​មិថុនា​ឆ្នាំ​២០១២​។

អត្ថបទ​៖ ប្រតិកម្ម​​ផ្ទុះ​ឡើង​​​​​​ក្រោយ​បរាជ័យ​របស់ Pacquiao

Timothy Bradley

​តប​ទៅ​សំណួរ​អ្នក​កាសែត​ ក្រោយ​ការពារ​ខ្សែ​ក្រវាត់​ ​​WBO world welterweight បាន​ដោយ​ជោគជ័យ​ក្នុង​ពិន្ទុ​ ​១១៦-១១២, ១១៥-១១៣ ​និង ​១១៣-១១៥ ​ថ្ងៃ​អាទិត្យ​ម្សិលមិញ​ ​ជើង​ខ្លាំង​សញ្ជាតិ​អាមេរិក​វ័យ​៣០​ឆ្នាំ​​និយាយ​ថា​អ្វី​ៗ​សុទ្ធ​តែ​អាច​ទៅ​រួច តែ​ចាំ​មើល Pacquiao យក​ឈ្នះ Brandon Rios នៅ​ខែ​ក្រោយ​​សិន​។ កីឡាករ​ដែល​ប្រកួត​៣១​ដង​ឈ្នះ​ទាំង​៣១​ដង បញ្ជាក់​ថា​៖ “ខ្ញុំ​ពេញចិត្ត​ការ​ប្រកួត​នោះ (ទល់​នឹង​ Pacquiao)​។ ​ខ្ញុំ​នឹង​ពិភាក្សា​ជាមួយ​ថ្នាក់​គ្រប់គ្រង​របស់​ខ្ញុំ​អំពី​រឿង​នេះ”​។​

អត្ថបទ​៖ Pacquiao សន្លប់​ស្ដូកស្ដឹង​ ត្រឹម​ទឹក​ទី​៦

នៅ​ចាំ​បាន​ថា​ ​ពេល​ជួប​គ្នា​លើក​ទី​១​កាល​ពី​ថ្ងៃ​ទី​០៩​ មិថុនា​ ឆ្នាំ​២០១២ អ្នក​ប្រដាល់​ហ្វីលីពីន​វ័យ​៣៤​ឆ្នាំ​ ត្រូវ​ចៅក្រម Duane Ford និង​ C.J. Ross ដាក់​ពិន្ទុ​ឱ្យ​ចាញ់ Bradley ១១៣-១១៥ ​ដូច​គ្នា​ ខណៈ​ចៅក្រម​ទី​៣ លោក ​Jerry Roth ឲ្យ​​ពិន្ទុ​ Pacquiao ឈ្នះ​​ ១១៥​ទល់​នឹង​១១៣​។ ​ប្រតិកម្ម​​​ជា​ច្រើន​បាន​ផ្ទុះ​ឡើង​ចំពោះ​​បរាជ័យ​​របស់​ Pacquiao ​យ៉ាង​ចម្រូងចម្រាស​នោះ ពីព្រោះ​គេ​មើល​ឃើញ​ជា​ទូទៅ​ថា Pacquiao វាយ​ចូល​ច្រើន​ជាង​ក្នុង​រយៈ​ពេល​១២​ទឹក​នោះ​។​ ​តែ​​បន្ទាប់​ពី​មើល​វីដេអូ​នៃ​ការ​ប្រកួត​សាឡើងវិញ ​ចៅក្រម​ឯករាជ្យ​៥​រូប​សុទ្ធ​តែ​ដាក់​​ពិន្ទុ​ឱ្យ Pacquiao ឈ្នះ​ទាំង​អស់​ ប៉ុន្តែ​មិន​អាច​កែប្រែ​លទ្ធផល​បាន​ឡើយ​។

​​​៦​ខែ​ក្រោយ​មក ​ពោល​គឺ​នៅ​ខែ​ធ្នូ​ឆ្នាំ​២០១២​ Pacquiao ​ប្រកួត​ចាញ់​​ក្រោម​ថ្វី​ដៃ​របស់​ Juan Manuel Marquez ​ដោយ​សន្លប់​ក្នុង​ទឹក​ទី​៦​។

ជំនួប​ទល់​នឹង​​កីឡាករ​សញ្ជាតិ​អាមេរិក​វ័យ​២៧​ឆ្នាំ​ Brandon Ríos​ ​នៅ​ម៉ាកាវ​នា​ថ្ងៃ​ទី​២៣​ ខែ​វិច្ឆិកា​ខាង​មុខ​នេះ គឺ​ជា​ការ​ឡើង​រេញ​លើក​ទី​១​របស់​ Pacquiao ក្នុង​ឆ្នាំ​២០១៣​​។ ចាំ​មើល​មើល៍ តើ​ Pacquiao រក​ជ័យជម្នះ​ឡើង​វិញ​បាន​ឬ​ទេ?

ប្រិយមិត្ត​ ជា​ច្រើន​បាន​ទៅ​​​ទស្សនា​​និង​ថត​រូប​​​​ទុក​​ជា​អនុស្សាវរីយ៍​ ​ជា​មួយ​ ​​កីឡាករ​កូន​ខ្មែរ​-អាល្លឺម៉ង់​ Chhunly Pagenburg​ ​ ​ខណៈ​​ អ្នក​ខ្លះ​​ទៀត​​ មិនបាន​​​ទៅ​ព្រោះ​នៅ​ឆ្ងាយ។ ថ្វី​​បើ​​ Chhunly ​ ​​ថា​ទីលាន​ ពិបាក​លេង​បន្តិច​​​ក្នុង​ការ​គ្រប់គ្រង​បាល់​ ប៉ុន្តែ​រូប​គេ​​រីករាយ​​ខ្លាំង​ណាស់​ ​​ដែល​មក​លេង​ឲ្យ​កម្ពុជា និង​ ជា​ពិសេស​បាន​ជួប​អ្នក​គាំទ្រ​ ​ដោយ​មាន​អ្នក​ខ្លះ​​កាន់​​រូប​​ថត​ដែល​​គេ​​​លេង​កាល​នៅ​ អាល្លឺម៉ង់​ទៅ​​បង្ហាញ​ដល់​ទីលាន។  ​Chhunly  ជា​អ្នក​បោះ​បាល់​ (Assist) ឲ្យ​ ទុំ​ សារ៉ាយ ​ស៊ុត​បញ្ចូល​ទី​ ភ្នំពេញក្រោន។ ទោះ​យ៉ាង​ ណា​ ជម្រើស​ជាតិ​ U23 ចាញ់ ភ្នំពេញក្រោន​ ១-២​ ក្នុង​ការ​​ប្រកួត​កម្ដៅ​សាច់​ដុំ។យើងខ្ញុំសូម​បង្ហាញ​វីដេអូក្លីប​​រយៈ​ពេល​ ១ នាទី​ ៣៤​​វិនាទី​ ជូន​​ប្រិយមិត្ត​ទស្សនា​​ដូច​ខាង​ក្រោម។

អត្ថបទ​ពាក់ព័ន្ធ​ នឹង ​Chhuly មាន​ដូច​ខាង​ក្រោម៖

Chhunly ​មិន​អាច​​លេង​នៅស៊ីហ្គេម​និង BIDC Cup ​ទេ​តែ​ចាំ​ដល់ Suzuki Cup

ហេតុ​អ្វី Chhunly អវត្តមាន​កាល​២​ឆ្នាំ​មុន​ ប៉ុន្តែ​ទើប​បង្ហាញ​វត្តមាន​នៅ​ពេល​នេះ?

បើ​ចង់ជួប​​ និង​ថតរូប​ជាមួយ​ Chhunly ព្រឹក​ស្អែក​កុំ​ភ្លេច​ទៅ​ស្តាត​!​

ហេ៎ ​ប្រិយមិត្ត​! មាន​ដឹង​​អត់​ថា​ ​​​កូន​ខ្មែរ​​-អាល្លឺម៉ង់​ Chhunly Pagenburg មក​លេង​ឲ្យ​ជម្រើស​ជាតិ

វីដេអូ ​កូន​ខ្មែរ​​-អាល្លឺម៉ង់​ ស៊ុត​ហែតទ្រីក កាល​ថ្ងៃ​អាទិត្យ

សូម​ទស្សនា​វីដេអូ​​ដូច​​ខាង​ក្រោម៖

ប្រិយមិត្ត​ចាំ​មិន​ភ្លេច​ទេ ព្រឹត្តិការណ៍​ប្រកួត​បាល់ទាត់​ពិភពលោក​ FIFA World Cup 1998 ដែល​មាន់គក​បារាំង​បាន​គ្រង​តំណែង​ជើង​ឯក​បាល់ទាត់​ពិភពលោក ក្រោយ​បំបាក់​ក្រុម​សំាប៉ា​ប្រេស៊ីល​នៅ​វគ្គ​ផ្ដាច់ព្រ័ត្រ។

ងាក​មក​មើល​រូបភាព​ដែលយើងខ្ញុំចង់​បង្ហាញ​នេះ​គឺ​គ្រាន់​តែ​ចង់​រំលឹក​ពី​អ្នក​ចាំ​ទី​ដៃ​ស្អិត Fabien Alain Barthez ដែល​បាន​រួម​ចំណែក​យ៉ាង​ធំធេងក្នុង​ប្រវត្តិសាស្ត្រ​បាល់ទាត់​របស់​បារាំង បន្ទាប់​ពី​បាន​រួម​ចំណែក​ជួយ​ឲ្យ​បារាំង​អាច​​គ្រង​ពាន​ជើង​ឯក​បាល់​ទាត់​ពិភពលោក​ជា​លើក​ដំបូង។

ក្នុង​ព្រឹត្តិការណ៍​ប្រកួត​ម្តង​ៗ ប្រិយមិត្ត​នឹង​បាន​ឃើញ​ពី​សកម្មភាព​ចាប់​បាល់​ដ៏​អស្ចារ្យ​របស់ Barthez នៅ​ពេល​រង​ការ​វាយ​លុក និងពេល​ដែល​គូ​សត្រូវ​ព្យាយាម​ស៊ុត​គ្រាប់​បាល់​បុក​សំណាញ់​ទី​របស់​ខ្លួន។ យ៉ាង​ណា បច្ចុប្បន្ន​អតីត​អ្នក​ចាំ​ទី​ប្រវត្តិសាស្រ្ត​នេះ​បាន​បោះបង់​អាជីព បន្ទាប់​ពី​ស្វែង​រក​ភាព​ជោគជ័យ​សម្រាប់​ប្រទេស​បារាំង និង​ក្លិប​អាជីព​ជា​ច្រើន​ទៀត​នៅ​អឺរ៉ុប។

សូមមើល​វីដេអូ​អនុស្សាវរីយ៍​របស់ Bartez នៅ​ជំនួប​រវាង​ប្រេស៊ីល​ និង​បារាំង​ពានរង្វាន់បាត់ទាត់​ពិភពលោក​ឆ្នាំ 1998 ដែល​បារាំង​ធ្វើ​ជា​ម្ចាស់​ផ្ទះ និង​ក្លាយ​ជា​ជើង​ឯក។

ក្រុម​កីឡាករ ​កីឡា​ការិនី​របស់​​កម្ពុជា​ ចំនួន​ ៣​ ប្រភេទ រួម​មាន​ទូក​ប្រពៃណី​ ​សីប៉ាកតាក្រ​ និង សីឈិនឡុង កំពុង​ហ្វឹកហាត់​​នៅ​ប្រទេស​មីយ៉ាន់ម៉ា ដើម្បី​ត្រៀម​ប្រកួត​​​កីឡា​ស៊ីហ្គេម​ឆ្នាំ​២០១៣​ ដែល​រៀប​ចំ​ឡើង​នៅ​ប្រទេស​មីយ៉ាន់ម៉ា​ ខាង​មុខ បាន​នាំ​គ្នា រំលឹក​ព្រះ​វិញ្ញាណក្ខន្ធ ព្រះ​បរម​រតន​កោដ្ឋ​ ​ពី​ចម្ងាយ​​បើ​ទោះ​ពួក​គេ​​ឃ្លាត​ពី​មាតុភូមិ​ក៏​ដោយ។

ការ​ហ្វឹកហាត់​ត្រៀម​​នៅ​មីយ៉ាន់ម៉ា​ចំនួន​ ២ ខែ​​​នេះ​ ទូក​ប្រពៃណី មាន​កីឡាករ​​ចំនួន​ ១៤ នាក់ និង គ្រូ​បង្វឹក​ ៣ នាក់​ ខណៈ​ សីប៉ាតាក្រ ​និង ​សីឈិនឡុង ​សរុប​​មាន​​ចំនួន​ ១៦ រូប​​ ​ក្នុង​នោះ​​ កីឡា​ការិនី ៨ នាក់ ​និង​ គ្រូ​បង្វឹក ៣ រូប៕

សូម​ចុច​អាន៖ គេ​សុំ​ថតរូប​ជាមួយ Chhunly Pagenburg ច្រើន​ដល់​ហើយ!
សូម​ចុច​អាន៖ នុ៎ះហ្ន៎! សី​ប៉ាតាក្រ​ខ្មែរ ឈ្នះ​មេដាយ​មាស​នៅ មីយ៉ាន់ម៉ា
សូម​ចុច​អាន៖ ទូក​ប្រពៃណី កៅឆាយ មេដាយ​សំរឹទ្ធ នៅ​មីយ៉ាន់ម៉ា មុន​ស៊ីហ្គេម​មក​ដល់

សូម​ទស្សនា​វីដេអូ៖

អត្ថបទ៖ ម៉ឺន រស្មី

សំនួរ​នៅ​តែ​ចោទ​សួរ​មិន​ស្រាកស្រាន្ត​ពី​សំណាក់​ប្រិយមិត្ត​ដែល​ជា​អ្នក​គាំទ្រ​ក្លិប​បិសាច​ក្រហម Man UTD រាប់​លាន​នាក់​ជុំវិញ​ពិភពលោក សម្រាប់​ការ​ជ្រើសរើស​លោក Davide Moyes មក​ជំនួស​តំណែង​លោក Sir Alex Ferguson អតីត​អ្នក​ចាត់​ការ​ដ៏​ជោគជ័យ​បំផុត​សម្រាប់​ប្រវត្តិសាស្ត្រ​បាល់ទាត់​អង់គ្លេស។

បុរស​វ័យ ៥០ ឆ្នាំ សញ្ជាតិ​ស្កុត​ Moyes បាន​យល់​ព្រម​ចុះ​កិច្ចសន្យា​រយៈ​ពេល ៦ ឆ្នាំ​មក​ដឹកនាំ​ក្លិប​បិសាចក្រហម បើទោះ​បី​រង​ការ​រិះ​គន់​ពី​មជ្ឈដ្ឋាន​មួយ​ចំនួន ពី​លទ្ធភាព​និង​សមត្ថភាព​របស់​គាត់​ក្នុង​ការ​ដឹកនាំ​ក្លិប​មួយ​នេះ​បន្ត​ភាព​ត្រចះត្រចង់ និង​ជោគជ័យ​ដូច​សម័យ​អតីត​លោក Ferguson។

តាម​រយៈ​លទ្ធផល​ការ​បើក​រដូវកាល English Premier Leagues 2013-2014 ក្រោម​ការ​ដឹកនាំ​របស់​លោក David Moyes បាន​បង្ហាញ​ថា ក្លិប​បិសាច​ក្រហម​កំពុង​ស្ថិត​នៅ​ក្នុង​ភាព​ស្រពិចស្រពិល និង​ត្រដាបត្រដួស ដោយ​បច្ចុប្បន្ន​កំពុង​តែ​ឈរ​នៅ​ពាក់​កណ្ដាល​តារាង ក្នុង​ចំណោម​ក្លិប​ទាំង ២០ នៅ​ក្របខ័ណ្ឌ​លីក​កំពូល​របស់​អង់គ្លេស​មួយ​នេះ។

តើ​សម័យ​កាល​របស់ Manchester United ត្រូវ​ដួល​រលំ​ដូច​ក្រុម​ហង្សក្រហម Liverpool ដែល​ជា​ក្លិប​ដ៏​ជោគជ័យ​បំផុត​នៅ​អង់គ្លេស ​កាល​ចុង​ទស្សវត្ស ៩០ បន្ទាប់​ពី​លោក Fergusion បាន​ចូល​មក​ដឹកនាំ​បិសាច​ក្រហម និង​បន្ត​ស្វែង​រក​ជោកជ័យ​ដ៏​ត្រចះត្រចង់​និង​មិន​គួរ​ឲ្យ​ជឿ​សម្រាប់​ប្រវត្តិសាស្ត្រ​បាល់ទាត់​អង់គ្លេស។

គួរ​បញ្ជាក់​ដែរ​ថា លោក Sir Alex Fergusion បាន​ចូល​មក​ដឹកនាំ​ក្លិប​បិសាចក្រហម Man UTD ក្នុង​ឆ្នាំ ១៩៨៦ និង​បាន​លា​ឈប់​ក្នុង​ឆ្នាំ ២០១៣។ ២៦ ឆ្នាំ​ក្រោម​ការ​ដឹកនាំ​របស់​បុរស​ជនជាតិ​ស្កុត​រូប​នេះ បាន​ដឹកនាំ Man UTD ឲ្យ​គ្រង​ពាន​ជើង​ឯក​ដល់​ទៅ ៣៨ ពាន ក្នុង​នោះ​មាន​ពាន​សំខាន់ៗ​ដូចជា Premier League ១៣ ពាន និង UEFA Champions League ចំនួន ២ ពាន។

តើ​មិត្ត​អ្នក​ស្នេហា​វិស័យ​កីឡា​បាល់ទាត់ និង​មិត្ត​អ្នក​គាំទ្រ​ក្លិប​បិសាច​ក្រហម តើ​ក្រៅ​ពី David Moyes គិត​ អ្នក​ណា​ដែល​ស័ក្កិសម​អាច​ដឹកនាំ​ក្លិប​បិសាច​ក្រហម​បន្ត​ភាព​ជោគជ័យ​បន្ត​ទៀត​បន្ទាប់​ពី​លោក Sir Alex Ferguson។