ជនសង្ស័យ ២នាក់ ឆក់អាយកូមអ្នកកាសែត ពេលគេដេញវាយភ័យស្លន់ស្លោលើកម៉ូតូអ្នក កាសែតជិះគេចខ្លួនទុកម៉ូតូខ្លួនឯងចោល
រាជធានីភ្នំពេញ ៖ ជនសង្ស័យ ២នាក់ ជិះម៉ូតូ ១គ្រឿង ធ្វើសកម្មភាពឆក់យកអាយ កូមអ្នកកាសែតម្នាក់ រួចជិះម៉ូតូគេចខ្លួន ពេលអ្នកកាសែតដេញតាម ម៉ូតូជនសង្ស័យបានជ្រុលទៅបុក ម៉ូតូរបស់ប្រជាពលរដ្ឋ ១គ្រឿង បណ្តាលឲ្យដួល ភ្លាមៗអ្នកកាសែតចុះពីលើម៉ូតូស្រែក ផ្អើលឆោឡោឲ្យគេជួយ ស្រាប់តែជនសង្ស័យទាំង ២នាក់នោះ ភ័យស្លន់ស្លោពេក ក៏លើកម៉ូតូអ្នកកាសែតជិះរត់ទៅបាត់ ដោយបន្សល់ទុកម៉ូតូខ្លួនឯងនៅនឹងកន្លែង ។
ហេតុការណ៍នេះ បានកើតឡើងកាលពីវេលាម៉ោង ២ និង ២០នាទី យប់រំលងអាធ្រាត្រឈានចូលថ្ងៃទី២៧ កញ្ញា ២០១៣ នៅតាមបណ្តោយមហាវិថីម៉ៅសេទុង ចំណុចមុខផ្សារឃ្លាំងរំសេវ ស្ថិតក្នុងសង្កាត់ផ្សារដើមគរ ខណ្ឌទួលគោក ។
តាមប្រភពព័ត៌មាន បានឲ្យដឹងថា មុនពេលកើតហេតុ បុរសជាជនសង្ស័យ ២នាក់ ជិះម៉ូតូឌ្រីមC125 ពណ៌ខ្មៅ ១គ្រឿង ពាក់ស្លាកលេខ ភ្នំពេញ 1AE-7656 ធ្វើដំណើរតាមផ្លូវ២៧១ ក្នុងទិសដៅពីត្បូងទៅជើង ខណៈមកដល់ចំណុចកើតហេតុខាងលើ ក៏ធ្វើសកម្មភាពឆក់យក អាយកូមពីអ្នកកាសែតម្នាក់ ហើយត្រូវអ្នកកាសែតរូបនោះ ជិះដេញរហូតដួលម៉ូតូភ័យស្លន់ច្រឡំ លើកម៉ូតូអ្នកកាសែតជិះគេចខ្លួនទៅវិញ ។
ដោយឡែក ម៉ូតូអ្នកកាសែតមានម៉ាកស៊ីរូស ពណ៌ខ្មៅលាយស ពាក់ស្លាកលេខ Press ។ ក្រោយកើតហេតុ ជនរងគ្រោះជាអ្នកកាសែតខាងលើបានដាក់ ពាក្យបណ្តឹងទៅប៉ុស្តិ៍នគរបាលរដ្ឋបាលផ្សារដើមគរ ៕
0 comments:
Post a Comment