យូរី ខឹងគេថា ដាក់ឈ្មោះ និងយកស្ទីល តាមតារាបរទេស
ភ្នំពេញ: ទស្សនិកជនតែតែងឃើញការសម្តែង និងស្ទីលថតរូបប្លែកៗរបស់ កញ្ញា យូរី មានឈ្មោះដើមថា សេន យូរី ជាអតីតតារាចម្រៀងរបស់ផលិតកម្ម Rock ដែលទើបមកឈរជើងនៅផលិតកម្ម សាន់ដេ ហើយកំពុងរងការរិះគន់ថា លួចចម្លងស្ទីលពីតារាបរទេស ភាគច្រើន។
បន្ទាប់ពីមានទស្សនាវដ្តីក្នុងស្រុកមួយ បានសរសេររិៈគន់ថា តារាចម្រៀងវ័យក្មេង កញ្ញា យូរី ជាតារាកូពីស្ទីលស្លៀកពាក់ និងឈ្មោះពីតារាចម្រៀងកូរ៉េ កាលពីពេលថ្មីៗនេះ បានធ្វើឱ្យស្រីស្រស់រូបនេះខឹងសម្បាយ៉ាងខ្លាំង ហើយនាងសំណូមពរថា សូមអ្នកសារព័ត៌មាន និងទស្សនិកជន កុំយល់ចំឡំថា នាងជាតារាចំលងស្ទីល និងឈ្មោះពីតារាកូរ៉េអី។
តារាដែលកំពុងមានទឹកមាត់លេប យូរី បន្តថា រឿងនេះ នាងមិនអាចទទួលយកបានទេ ព្រោះឈ្មោះ យូរី ឪពុកម្តាយរបស់នាង បានដាក់ឱ្យនាងតាំងពីនាងកើតមកម្លេះ។ ដូច្នេះហើយបើថា នាងយកឈ្មោះគេមកប្រើ ដើម្បីចាប់យកភាពល្បីនោះ វាហាក់មិនត្រូវទាល់តែសោះ សម្រាប់នាងខ្លាំងណាស់។
ទន្ទឹមនឹងនោះដែរ នាងនិយាយពីការស្លៀកពាក់ថា សម្លៀកបំពាក់ ដែលស្លៀកភាគច្រើន គឺទិញមកពីផ្សារ និយាយរួមសម្លៀកបំពាក់ ពេញនិយមលើទីផ្សារ ដែលអ្នកឆ្នៃម៉ូដបរទេសបានធ្វើឡើងសម្រាប់ទីផ្សារទូទាំងពិភពលោក។ មានន័យថា តារាជាច្រើនប្រទេសក៏គេ ស្លៀកពាក់ដែរឲ្យ តែត្រូវចិត្ត និងសមរូបរាងរបស់គេ។ បើនិយាយថា នាងយកស្ទីលតារាកូរ៉េនោះវាមិនត្រូវទេហើយក៏សូមសំណូមពរ ឈប់រិៈគន់នាងពីចំណុចនេះទៀតទៅ។
សូមបញ្ជាក់ថា បន្ទាប់ពីតារាចម្រៀងវ័យក្មេង កញ្ញា យូរី ចូលមកក្នុងផលិតកម្មសាន់ដេ រួចមក នាងត្រូវបានគេមើលឃើញថា សន្ទុះប្រជាប្រិយភាពហាក់ដូច ជាកើនឡើងស្រឺតៗ ដូចទឹកជំនន់តែម្តង។
មិនត្រឹមតែជាតារាសម្តែងនោះទេ នាងក៏មានថតស្ប៉តពាណិជ្ជកម្ម ជាច្រើនដែរ។ នៅផលិតកម្មចម្រៀង សាន់ដេ បានជាង ១ឆ្នាំ អតីតតារាចម្រៀងរ៉ុក យូរី ហាក់លេចធ្លោយ៉ាងខ្លាំង នៅមួយរយៈចុងក្រោយនេះផងដែរ៕
.jpg)
.jpg)
.jpg)
0 comments:
Post a Comment