ខ្សែ​ប្រយុទ្ធ Michu របស់​ក្លិប Swansea City ទទួល​បាន​ការ​កោះហៅ​ចូល​ក្រុម​ជម្រើស​ជាតិ​អេស្ប៉ាញ​ជា​លើក​ដំបូង​ក្នុង​អាជីព​របស់​ខ្លួន​​ កាល​ពី​ថ្ងៃ​អាទិត្យ​ម្សិលមិញ​ ដើម្បី​ត្រៀម​ជម្រុះ​ World Cup។​

អត្ថបទ៖ Spurs និង Swansea ​ស៊ី​គេ​៥​គ្រាប់​ដូច​គ្នា​នៅ​ Europa League យប់មិញ​

ការ​ជាប់​ជម្រើស​ជាតិ​របស់​កីឡាករ​វ័យ​២៧​ឆ្នាំ​រូប​នេះ​ទៀត​សោត គឺ​កើត​ឡើង​បន្ទាប់​ពី​​ការ​ដក​ខ្លួន​របស់​ខ្សែ​ប្រយុទ្ធ​ចាស់​វស្សា​ David Villa ​ដោយសារ​របួស​ក​ជើង​​ពេល​លេង​ឱ្យ​ក្រុម​ Atletico Madrid ទល់​នឹង​ Celta Vigo ​ក្នុង​ក្របខ័ណ្ឌ La Liga។ ដូច្នេះ ​លោក​គ្រូ​បង្វឹក​ Vicente del Bosque ក៏​សម្រេច​ចិត្ត​​កោះហៅ​អតីត​សមាជិក​ក្លិប Celta Vigo ​និង​ Rayo Vallecano ម្នាក់​នេះ​មក​ជំនួស​កៅអី​របស់ Villa​ ខណៈ​ Roberto Soldado ​របស់​ក្រុម​ Spurs ​និង​ Fernando Llorente ​របស់​ Juventus ​ត្រូវ​បាន​លោក​ ​Del Bosque ​មើល​រំលង​។​

អត្ថបទ​៖ កីឡាករ​អេស្ប៉ាញ​កំពុង​ហូរ​ចូល​ច្រើន​មក​ Premier League

អេស្ប៉ាញ ត្រូវ​ប្រកួត​ជម្រុះ World Cup ​នៅ​ទឹកដី បេឡារូស នៅ​ថ្ងៃ​សុក្រ​ទី​១១​តុលា​នេះ មុន​ពេល​ធ្វើ​ម្ចាស់​ផ្ទះ​ទទួល​ ហ្សកហ្ស៊ី ក្នុង​ទីក្រុង Albacete ៤​ថ្ងៃ​បន្ទាប់​។ យ៉ាង​ណា​ក្ដី គេ​នៅ​មិន​ទាន់​ដឹង​ថា Michu បាន​ចូល​លេង​ឬ​​បាន​ត្រឹម​បម្រុង​នៅ​ឡើយ​ទេ​។​​​

Michu​​​ មិន​ធ្លាប់​ជាប់​ជម្រើស​ជាតិ​សោះ​ឡើយ ​ទាំង​ឈុត​យុវជន​និង​ឈុត​ធំ ​មាន​ន័យ​ថា​នេះ​គឺ​ជា​លើក​ទី​១​របស់​គេ​ដែល​មាន​ឱកាស​ពាក់​អាវ​ក្រុម​ជម្រើស​ជាតិ​តំណាង​ឱ្យ​ប្រទេស​របស់​​ខ្លួន​។​ អតីត​យុវជន​របស់​ក្លិប​ Real Oviedo រូប​នេះ​បង្កើត​ឱ្យ​មាន​ការ​ចាប់​អារម្មណ៍​​ក្នុង​រដូវ​កាល​២០១២-២០១៣​ ពោល​គឺ​ក្រោយ​ផ្លាស់​​ពី​ Rayo Vallecano ​ទៅ​ Swansea ​ក្នុង​តម្លៃ​២​លាន​ផោន​ (៣,២​លាន​ដុល្លារ​អាមេរិក) ​ហើយ​រក​គ្រាប់​បាល់​​បាន​ដល់​ទៅ​១៨​គ្រាប់​ក្នុង​ក្របខ័ណ្ឌ Premier League ​រដូវ​កាល​ចាស់​៕

តួនាទី​ ឈ្មោះ​កីឡាករ​ ​អាយុ​ ធ្លាប់​ចូល​លេង​ មក​​ពី​ក្លិប​
អ្នកចាំទី​ Iker Casillas (ប្រធានក្រុម) ៣២​ឆ្នាំ​ ១៥០​ដង​ Real Madrid
អ្នកចាំទី​ Pepe Reina ៣១​ឆ្នាំ​ ២៩​ដង​ Napoli
អ្នកចាំទី​ Victor Valdes ៣១​ឆ្នាំ​ ១៧​ដង​ Barcelona
ខ្សែ​ការពារ​ Sergio Ramos ២៧​ឆ្នាំ​ ១១១​ដង​ (​​រក​បាន​៩​គ្រាប់​) Real Madrid
ខ្សែ​ការពារ​ Gerard Pique ២៧​ឆ្នាំ​ ៥៧​ដង​ (រក​បាន​៤​គ្រាប់) Barcelona
ខ្សែ​ការពារ​ Alvaro Arbeloa ៣០​ឆ្នាំ​ ៥៤​ដង​ Real Madrid
ខ្សែ​ការពារ​ Nacho Monreal ២៧​ឆ្នាំ​ ១៤​ដង​ Arsenal
ខ្សែ​ការពារ​ Juanfran ២៨​ឆ្នាំ​ ៥​ដង​ Atletico Madrid
ខ្សែ​ការពារ​ Alberto Moreno ២១​ឆ្នាំ​ ០​ដង​ Sevilla
ខ្សែ​បម្រើ​ Xavi Hernandez ៣៣​ឆ្នាំ​ ១២៨​ដង​(រក​បាន​១១​គ្រាប់) Barcelona
ខ្សែ​បម្រើ​ Andres Iniesta ២៩​ឆ្នាំ​ ៩០​ដង​ (រក​បាន​១១​គ្រាប់) Barcelona
ខ្សែ​បម្រើ​ Cesc Fabregas ២៦​ឆ្នាំ​ ៨៥​ដង​ (រក​បាន​១៣​គ្រាប់​) Barcelona
ខ្សែ​បម្រើ​ David Silva ២៧​ឆ្នាំ​ ៧៦​ដង​ (រក​បាន​២០​គ្រាប់) Man City
ខ្សែ​បម្រើ​ Sergio Busquets ២៥​ឆ្នាំ​ ៥៩​ដង​ Barcelona
ខ្សែ​បម្រើ​ Jesus Navas ២៧​ឆ្នាំ​ ៣១​ដង​(រក​បាន​៣​គ្រាប់) Man City
ខ្សែ​បម្រើ​ Juan Mata ២៥​ឆ្នាំ​ ២៩​ដង​ (រក​បាន​៨​គ្រាប់​) Chelsea
ខ្សែ​បម្រើ​ Koke ២១​ឆ្នាំ​ ៣​ដង​ Atletico Madrid
ខ្សែ​បម្រើ​ Mario Suarez ២៦​ឆ្នាំ​ ២​ដង​ Atletico Madrid
ខ្សែ​បម្រើ​ Isco ២១​ឆ្នាំ​ ១​ដង​ Real Madrid
ខ្សែ​ប្រយុទ្ធ​ Alvaro Negredo ២៨​ឆ្នាំ​ ១៧​ដង​ (រក​បាន​៨​គ្រាប់) Man City
ខ្សែ​ប្រយុទ្ធ​ Pedro Rodriguez ២៦​ឆ្នាំ​ ៣៣​ដង​ (រក​បាន​១៣​គ្រាប់) Barcelona
ខ្សែ​ប្រយុទ្ធ​ Michu ២៧​ឆ្នាំ​ ០​ដង​ Swansea